由黎諾懿、龔嘉欣、王君馨及姚子羚主持的無綫綜藝節目《仨心友行2》，在昨晚（9/1）播出的一集，4人在節目中談及自己的遺憾，16歲開始做模特兒的龔嘉欣，她慨歎至今仍要繼續工作，遺憾還沒有建立屬於自己的家庭。
同場加映：異搜店丨林漪娸凍齡襟睇敢以素顏演阿媽 「演戲好開心 唔介意做綠葉」
身為《仨2》節目監製的黎諾懿暫時讓3位女主持放下餐廳工作，給予一天假期，但要求她們要好好享受大自然，王君馨於是去了採摘老公最愛吃的菠蘿，而龔嘉欣則學整有機鳳梨酥，她開心地說：「我好鍾意食鳳梨酥，平時去台灣旅行，我會買好多盒返嚟，然後自己食晒。」姚子羚就學整DIY精油肥皂，她認為這些小手作是獨一無二。
鐵拳英雄︳唐詩詠同姚子羚對打宣傳片吸嬲 網民嫌花拳繡腿似跳舞battle【下一頁】
放了大半天假，4人玩「真心話」遊戲，黎諾懿問她們對今次拍攝有沒有不滿的地方？王君馨表示有，「第一日，我好唔知道自己要做乜嘢，可能太有幻想，然後你話係Cafe，原來又變咗餐廳。」黎諾懿解釋：「最初要瞞住大家，因為我呢個演員身份，好多時都係被安排工作，總之你嚟演或者嚟做好件事就得喇，大家嚟拍我嘅節目，我好想大家可以enjoy工作，而唔係預先安排好啲工作，我想你哋有種新鮮感。」三人聽後便點點頭說：「明白！」
王君馨離巢無綫結束14年賓主關係 穿畢業袍打卡道別：江湖再見【下一頁】
再被問到覺得現在的自己紅不紅？龔嘉欣說：「我覺得紅唔紅嘅定義，係在乎你喺觀眾心目中有冇親切感，而唔係講知名度。」姚子羚就指自己不算紅，她認為一個真正受歡迎的人，就如發哥（周潤發）一樣，大家去行山，會想像今天會否遇到發哥呢？大家都很想野生捕獲發哥，跟他合照，她說：「唔係『入屋』，係『入心』。」王君馨表示十分認同姚子羚的講法。黎諾懿就覺得自己不紅，他說：「一直覺得自己都係浮浮沉沉，啲人成日將我哋『奧運六星』嚟相比，6個入面，啲人成日話我係包尾嗰個，行得最慢嗰個，就算喺公司，我覺得好似有機會，但硬係覺得爭咗啲嘢。」
【人生憾事】龔嘉欣尾指斷筋無法繼續學鋼琴 譚嘉儀遺憾哈比身高未能圓夢做...【下一頁】
最後一條問題「如明天是世界末日，你們快要不在，這一刻有沒有遺憾呢？」，龔嘉欣說：「如果要講唯一嘅遺憾，可能我未建立一個家庭，因為我由16歲開始做模特兒，跟住一路拍嘢，其實我已經冇咗個童年，我啲同學仔好開心出去玩，我就要去返工，到而家30幾歲，我都仍然係工作，當然呢個係我好鍾意嘅工作，但係如果呢刻我消失喺呢個世界上，我會覺得自己缺少嗰一塊，就係我仲未成立家庭，會覺得有啲可惜。」姚子羚則帶點樂觀的心態，「我仲有一日吖嘛，我會同我最愛嘅屋企人一齊去過，當然遺憾係好多嘢都未能夠做到，例如未生小朋友，事業仲係衝刺期，例如我都好想有一日快啲退休，然後去唔同地方旅行，最想有一日係可以唔諗任何顧慮，隨心所欲！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】